റസാഖ് കോട്ടക്കൽ അനുസ്മരണം

കോഴിക്കോട്​: ഈ വർഷത്തെ റസാഖ് കോട്ടക്കൽ അനുസ്മരണ പരിപാടികൾ കോഴിക്കോട് ലളിതകല അക്കാദമി ഗാലറിയിൽ, ഏപ്രിൽ ഒമ്പതു മുതൽ മൂന്നു ദിവസം നടക്കും. ഫോട്ടോഗ്രാഫർമാരായ പി. മുസ്തഫ, ഷാജു ജോൺ, മധുരാജ്, അജീബ് കൊമാച്ചി, മണിലാൽ പടവൂർ, മുഹമ്മദ്, അലി കോവൂർ, ഉണ്ണി കോട്ടക്കൽ തുടങ്ങിയവരുടെ ഫോട്ടോപ്രദർശനമുണ്ടാകും. ഒമ്പതിന്​ വൈകീട്ട് നാലിന്​ കൽപറ്റ നാരായണൻ റസാഖ് അനുസ്മരണവും പ്രദർശനവും ഉദ്ഘാടനം ചെയ്യും. ഡോ. എം.കെ. മുനീർ എം.എൽ.എ അധ്യക്ഷത വഹിക്കും. 10ന്​ വൈകീട്ട് നാലിന്​ ഗസൽ ഗായകൻ മാത്തോട്ടം മുസ്തഫയുടെ സംഗീതക്കച്ചേരിയുണ്ടാവും.