പോക്സോ കേസിൽ പാലക്കാട് സ്വദേശി റിമാൻഡിൽ

പന്തീരാങ്കാവ്: സമൂഹമാധ്യമത്തിലൂടെ പരിചയപ്പെട്ട പെൺകുട്ടിയുമായി വിഡിയോ കാൾ വഴി നഗ്നപ്രദർശനം നടത്തിയ യുവാവിനെ പൊലീസ് അറസ്റ്റ് ചെയ്തു. പാലക്കാട് പുതുക്കോട് മുതയംകോട് നിരൻ (20) നെയാണ് പന്തീരാങ്കാവ് പൊലീസ് അറസ്റ്റ് ചെയ്തത്. കോഴിക്കോട് സ്വദേശിനിയായ 15 കാരിയോടാണ് വിഡിയോ കാളിലൂടെ നഗ്നത പ്രദർശിപ്പിക്കാൻ പ്രേരിപ്പിച്ചത്. അധ്യാപികയോട് സംഭവം വെളിപ്പെടുത്തിയതിനെ തുടർന്ന് ചൈൽഡ് ലൈനിൽ വിവരമറിയിക്കുകയായിരുന്നു. പന്തീരാങ്കാവ് എസ്.ഐ ധനഞ്ജയദാസിന്റെ നേതൃത്വത്തിൽ അറസ്റ്റ് ചെയ്ത പ്രതിയെ റിമാൻഡ് ചെയ്തു.