മരംകടത്ത്​: പൊലീസിൽ പരാതി

കക്കോടി: ഇറിഗേഷൻ വകുപ്പിനു കീഴിലുള്ള പുഴയോരത്തെ മരം മുറിച്ചുകടത്തിയതായി പഞ്ചായത്ത്​ സെക്രട്ടറി പരാതി നൽകി. കക്കോടി പഞ്ചായത്തിലെ പൂനൂർ പുഴയോരത്തെ മരം മുറിച്ചുകടത്തിയതായി കാണിച്ചാണ്​ കക്കോടി പഞ്ചായത്ത്​ സെക്രട്ടറി​ ചേവായൂർ പൊലീസിൽ പരാതി നൽകിയത്​. പഞ്ചായത്ത്​ അംഗം ഇതുസംബന്ധിച്ച്​ സെക്രട്ടറിക്ക്​ പരാതി നൽകിയിരുന്നു. ലക്ഷങ്ങൾ വിലയുള്ള മരങ്ങൾ മുറിച്ചുകടത്തിയത്​ ഒതുക്കിത്തീർക്കാനുള്ള ശ്രമത്തിനിടെയാണ്​ ഇത്തരത്തിലുള്ള പരാതി വീണ്ടും ഉയർന്നത്​. പരാതി സംബന്ധിച്ച്​ പരിശോധിക്കുമെന്ന്​ ചേവായൂർ പൊലീസ്​ അറിയിച്ചു.