മത്സ്യഅനുബന്ധ തൊഴിലാളികൾക്ക് ബൈക്കും ഐസ് ബോക്സും

കോഴിക്കോട്: കോർപറേഷൻ ജനകീയാസൂത്രണത്തിന്‍റെ ഭാഗമായി അനുബന്ധ മത്സ്യത്തൊഴിലാളികൾക്ക് ഡെപ്യൂട്ടി മേയർ സി.പി. മുസഫർ അഹമ്മദ് ബൈക്കും ഐസ് ബോക്സും വിതരണം ചെയ്തു. പത്തു പേർക്കാണ് പദ്ധതിയുടെ പ്രയോജനം ലഭിച്ചത്. 70 ലിറ്റർ ഐസ്​ബോക്സാണ് ഓരോ തൊഴിലാളിക്കും നൽകിയത്. വികസനകാര്യ സ്ഥിരം സമിതി ചെയർപേഴ്സൻ ഒ.പി. ഷിജിന അധ്യക്ഷത വഹിച്ചു. പ്രസീന പണ്ടാരത്തിൽ, വി. സുനീർ, എസ്​.കെ. അബൂബക്കർ, വി.കെ. മോഹൻദാസ്, രാജീവ്, സി.പി. രാമദാസൻ, എം.പി. കോയമോൻ, എ.ടി. ഷുക്കൂർ എന്നിവർ സംസാരിച്ചു.