തലപ്പെരുമണ്ണ സ്കൂളിന് പുത്തൻ കെട്ടിടം

കൊടുവള്ളി: തലപ്പെരുമണ്ണ ജി.എം.എൽ.പി സ്കൂളിൽ മുൻ എം.എൽ.എ കാരാട്ട് റസാഖിന്റെ ആസ്തി വികസന ഫണ്ടിൽനിന്നും അനുവദിച്ച 72.5 ലക്ഷം രൂപ വിനിയോഗിച്ച് നിർമാണം പൂർത്തിയാക്കിയ കെട്ടിടത്തിന്റെ ഉദ്ഘാടനം ഡോ. എം.കെ. മുനീർ എം.എൽ.എ നിർവഹിച്ചു. നഗരസഭ ചെയർമാൻ അബ്ദു വെള്ളറ അധ്യക്ഷത വഹിച്ചു. എൽ.എസ്.എസ് പരീക്ഷ വിജയികളെ എം.എൽ.എ അനുമോദിച്ചു. കാരാട്ട് റസാഖ് മുഖ്യാതിഥിയായി. ഡെപ്യൂട്ടി ചെയർപേഴ്സൻ കെ.എം. സുശിനി, വിദ്യാഭ്യാസ സ്ഥിരം സമിതി ചെയർമാൻ എൻ.കെ. അനിൽകുമാർ, ബി.പി.ഒ വി.എം. മെഹറലി, സറീന റഫീഖ്, പി.കെ. അയമ്മദ് കുട്ടി, വി.എം. ഷമീം, കെ.വി. റാഷിദ്, എൻ.സി. കാദർ, പി.പി. റസാഖ്, പി. ഹക്കീം, ഷംന സംസാരിച്ചു. വികസന സ്റ്റാൻഡിങ് കമ്മിറ്റി ചെയർമാൻ വി. സിയ്യാലി ഹാജി സ്വാഗതവും പ്രധാന അധ്യാപകൻ യു. സുബൈർ നന്ദിയും പറഞ്ഞു.