സ്കൂൾ വാർഷികവും യാത്രയയപ്പും

കോഴിക്കോട്​: ബൈരായ്കുളം ഗവ. എൽ.പി സ്കൂൾ വാർഷികവും പ്രധാനാധ്യാപകനുള്ള യാത്രയയപ്പും മന്ത്രി അഹമ്മദ് ദേവർകോവിൽ ഉദ്ഘാടനം ചെയ്തു. ഇതര സംസ്ഥാന തൊഴിലാളികളുടെ മക്കൾ മാത്രം പഠിക്കുന്ന സ്കൂളിന് പുതിയ കെട്ടിടവും അനുബന്ധ സൗകര്യങ്ങളും സ്മാർട്ട് ക്ലാസ്റൂമുകളും ഒരുക്കുന്നതിനു മന്ത്രി എന്ന നിലയിലും സ്ഥലം എം.എൽ.എ നല്ല നിലയിലും മുഴുവൻ സഹായവും അദ്ദേഹം വാഗ്ദാനം ചെയ്തു. കോർപറേഷൻ നികുതി അപ്പീൽ കാര്യ സ്റ്റാൻഡിങ് കമ്മിറ്റി ചെയർമാൻ പി.കെ. നാസർ അധ്യക്ഷത വഹിച്ചു. ജിയോ ജയ്സൺ, സജ്ജാദ് സഹീർ, കെ. സുരേഷ്, ജി.എസ്. രമ്യ, പി. രമണി, അബ്ദുൽ മനാഫ്, ബിജോയ് ഡേവിഡ്, കെ.സി. ബാലൻ, വിരമിക്കുന്ന പ്രധാനാധ്യാപകൻ പി.കെ. ദിനേശൻ എന്നിവർ സംസാരിച്ചു.