ആശാ വർക്കർമാരെ ആദരിച്ചു

എലത്തൂർ: കോവിഡ് കാലത്ത് സജീവമായി ആരോഗ്യ പ്രവർത്തനം നടത്തിയ കോർപറേഷനിലെ അഞ്ചാം വാർഡിലെ ആശാ വർക്കർമാരായ കെ.ടി. സജിത, പത്മജ പൈക്കാട്ട്, ഒ. പ്രമീള, തങ്കം സുരേന്ദ്രൻ, പി. രാധ, പുഷ്പ ദിലീപ് എന്നിവരെ മഹിള കോൺഗ്രസ്​ മൊകവൂർ കമ്മിറ്റി ആദരിച്ചു. വാർഡ് പ്രസിഡന്‍റ്​ ടി.എസ്. പ്രേമയുടെ അധ്യക്ഷതയിൽ മഹിള കോൺഗ്രസ്​ എലത്തൂർ നിയോജക മണ്ഡലം പ്രസിഡന്‍റ്​ ആയിഷ കുരുവട്ടൂർ ഉദ്ഘാടനം ചെയ്തു. രജുല തെറ്റത്ത്, രഞ്ജിത്ത് മഠത്തിൽ, രമണി മോഹനൻ, ഷൈലജ ജയകൃഷ്ണൻ എന്നിവർ സംസാരിച്ചു. ശോഭിത സ്വാഗതവും അനിത വത്സൻ നന്ദിയും പറഞ്ഞു.