റമദാൻ പ്രഭാഷണത്തിന് ഇന്നു തുടക്കം

ഓമശ്ശേരി: സുന്നി യുവജന സംഘം റമദാൻ കാമ്പയിനിന്റെ ഭാഗമായി കൊടുവള്ളി സോൺതല പ്രഭാഷണത്തിന് ചൊവ്വാഴ്ച പുത്തൂരിൽ തുടക്കമാകും. മൂന്നു ദിവസത്തെ പരിപാടിയിൽ ഹാഫിള് മസ്ഊദ് സഖാഫി ഗൂഡല്ലൂരാണ് പ്രഭാഷകൻ. എൻ. അബ്ദുറഹ്മാൻ സഖാഫി അധ്യക്ഷത വഹിക്കും. ഓമശ്ശേരി ഗ്രാമപഞ്ചായത്ത് പ്രസിഡൻറ് പി. അബ്ദുന്നാസർ, സി.കെ. ഹുസൈൻനീബാരി, സലീം അണ്ടോണ, ഷുക്കൂർ സഖാഫി വെണ്ണക്കോട്, നാസർ സഖാഫി കരീറ്റിപറമ്പ് തുടങ്ങിയവർ സംസാരിക്കും. തുടർ ദിവസങ്ങളിൽ എ.കെ.സി. മുഹമ്മദ് ഫൈസി, കെ.പി. ഹുസൈൻ മുസ്‌ലിയാർ എന്നിവർ ഉദ്ഘാടനം ചെയ്യും.