ചരിത്രത്തിലൂടെ നടന്ന് പിണറായി

കണ്ണൂര്‍: സി.പി.എം പാര്‍ട്ടി കോണ്‍ഗ്രസിന്റെ ഭാഗമായുള്ള ചരിത്ര-ചിത്ര -ശിൽപ പ്രദര്‍ശനം മുഖ്യമന്ത്രി പിണറായി വിജയന്‍, സി.പി.എം പോളിറ്റ് ബ്യൂറോ അംഗം എം.എ. ബേബി എന്നിവര്‍ സന്ദര്‍ശിച്ചു. ചരിത്ര പ്രദര്‍ശനത്തില്‍ സാര്‍വദേശീയം, ദേശീയം, കേരളം, കണ്ണൂര്‍ എന്നിങ്ങനെ വിവിധ മേഖലകളിലെ പ്രധാനപ്പെട്ട സംഭവങ്ങളുടെ വിവരണങ്ങളും മുഖ്യമന്ത്രി നോക്കിക്കണ്ടു. പ്രശസ്തരായ 11 ശിൽപികളുടെയും 44 ചിത്രകാരന്മാരുടെയും സാങ്കേതിക വിദഗ്ധരുടെയും സഹായത്തോടെയാണ് പ്രദര്‍ശനം. കലക്ടറേറ്റ് മൈതാനിയിലെ ചരിത്ര-ചിത്ര-ശിൽപ പ്രദര്‍ശനം കാണാന്‍ മുഖ്യമന്ത്രിയോടൊപ്പം കേന്ദ്രകമ്മിറ്റിയംഗം ഇ.പി. ജയരാജന്‍, മന്ത്രി പി.എ. മുഹമ്മദ് റിയാസ്, രാമചന്ദ്രന്‍ കടന്നപ്പള്ളി എം.എല്‍.എ, ജില്ല സെക്രട്ടറി എം.വി. ജയരാജന്‍, സംസ്ഥാന കമ്മിറ്റിയംഗം പി. ജയരാജന്‍, പ്രദര്‍ശന കമ്മിറ്റി കണ്‍വീനര്‍ പി. ഹരീന്ദ്രന്‍ എന്നിവരുമുണ്ടായി. പടം) സന്ദീപ്‌