പൊലീസ് അസോസിയേഷൻ കുടുംബസംഗമം

പേരാമ്പ്ര: കേരള പൊലീസ് അസോസിയേഷൻ 37ാമത് കോഴിക്കോട് റൂറൽ ജില്ല സമ്മേളനത്തോടനുബന്ധിച്ച്‌ കുടുംബസംഗമം നടത്തി. കാനത്തിൽ ജമീല എം.എൽ.എ ഉദ്‌ഘാടനംചെയ്തു. വിരമിക്കുന്ന പൊലീസ് ഉദ്യോഗസ്ഥർക്ക് യാത്രയയപ്പ് നൽകി. പൊലീസ് അസോസിയേഷൻ സംസ്ഥാന നിർവാഹക സമിതി അംഗം പി.ടി. സജിത്ത് അധ്യക്ഷത വഹിച്ചു. പേരാമ്പ്ര പഞ്ചായത്ത്‌ പ്രസിഡന്റ് വി.കെ. പ്രമോദ്, പേരാമ്പ്ര ഐ.പി സജീവൻ, ജി.പി. അഭിജിത്ത്, സംസ്ഥാന നിർവാഹക സമിതി അംഗം സി.കെ. സുജിത്ത്, ജില്ല പ്രസിഡന്റ് എം.ആർ. ബിജു എന്നിവർ സംസാരിച്ചു. തുടർന്ന് പൊലീസ് ഉദ്യോഗസ്ഥരും കുടുംബാംഗങ്ങളും കലാപരിപാടികൾ അവതരിപ്പിച്ചു. ഗാനമേള, നൃത്തനൃത്യങ്ങൾ എന്നിവയും നടന്നു. ജില്ല സമ്മേളനത്തിന്റെ ഭാഗമായി നടന്ന ഫുട്‌ബാൾ, ഷട്ടിൽ ബാഡ്മിന്റൺ, ക്രിക്കറ്റ്, വോളിബാൾ മത്സരങ്ങളുടെയും ചിത്രകല ക്യാമ്പിലെയും വിജയികൾക്ക് സമ്മാനദാനം നടത്തി. ജില്ല സമ്മേളനം വെള്ളി, ശനി ദിവസങ്ങളിലായി പേരാമ്പ്രയിൽ നടക്കും.