കെ-റെയിൽ വിരുദ്ധ പോരാട്ടത്തിൽ സി.പി.എം അണികളും പങ്കാളികളാകണം - പി.വി. മോഹൻ

ചേമഞ്ചേരി: കെ-റെയിൽ പദ്ധതിയിലൂടെ വികസനമല്ല പണമാണ് ലക്ഷ്യമിടുന്നതെന്ന് എ.ഐ.സി.സി ജനറൽ സെക്രട്ടറി പി.വി. മോഹൻ പറഞ്ഞു. ഡി.സി.സി നേതൃത്വത്തിൽ കെ-റെയിൽ വേണ്ട കേരളം മതി എന്ന മുദ്രാവാക്യവുമായി ചേമഞ്ചേരി ക്വിറ്റ് ഇന്ത്യ സ്മാരക സ്തൂപത്തിൽ നിന്നാരംഭിച്ച ലോങ് മാർച്ചിന്റെ സമാപനത്തിൽ സംസാരിക്കുകയായിരുന്നു അദ്ദേഹം. ഡി.സി.സി പ്രസിഡൻറ് കെ. പ്രവീൺ കുമാർ അധ്യക്ഷത വഹിച്ചു. കെ.പി.സി.സി വർക്കിങ് പ്രസിഡൻറ് ടി. സിദ്ദീഖ് എം.എൽ.എ കെ. പ്രവീൺ കുമാറിനു പതാക കൈമാറി. സമാപന സമ്മേളനത്തിൽ ടി. സിദ്ദീഖ് മുഖ്യപ്രഭാഷണം നടത്തി. കെ.പി.സി.സി വൈസ് പ്രസിഡൻറ് വി.ടി. ബലറാം, കെ.കെ. അബ്രഹാം, പി.എം. നിയാസ്, കെ. ജയന്ത്, കെ.എം. അഭിജിത്ത്, എൻ. സുബ്രഹ്മണ്യൻ, ടി.ടി. ഇസ്മായിൽ, മഠത്തിൽ നാണു, രാജേഷ് കീഴരിയൂർ, വി.പി. ഭാസ്കരൻ, സന്തോഷ് തിക്കോടി, പി. രത്നവല്ലി, വി.വി. സുധാകരൻ, കണ്ണഞ്ചേരി വിജയൻ, മാടഞ്ചേരി സത്യനാഥൻ, ഷബീർ എളവനകണ്ടി, മനോജ് കാപ്പാട് എന്നിവർ സംസാരിച്ചു. പടം Koy 4 കാട്ടിലപീടികയിൽ ലോങ് മാർച്ചിന്റെ സമാപനം എ.ഐ.സി.സി ജനറൽ സെക്രട്ടറി പി.വി. മോഹൻ ഉദ്ഘാടനം ചെയ്യുന്നു