ഇന്ധന വിലവർധനക്കെതിരെ പ്രതിഷേധ ധർണ

കുന്ദമംഗലം: ഇന്ധന, പാചകവാതകത്തിന്റെ ക്രമാതീതമായ വിലവർധനക്കെതിരെ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ കുന്ദമംഗലത്ത് പ്രതിഷേധ ധർണ നടത്തി. ഡി.സി.സി സെക്രട്ടറി വിനോദ് പടനിലം ഉദ്ഘാടനംചെയ്തു. മണ്ഡലം പ്രസിഡന്റ് സി.വി. സംജിത്ത് അധ്യക്ഷത വഹിച്ചു. യൂത്ത് കോൺഗ്രസ് സംസ്ഥാന സെക്രട്ടറി എം. ധനീഷ് ലാൽ മുഖ്യപ്രഭാഷണം നടത്തി. ഡി.സി.സി സെക്രട്ടറി അബ്ദുറഹിമാൻ ഇടക്കുനി, ബ്ലോക്ക് പഞ്ചായത്ത് പ്രസിഡന്റ് ബാബു നെല്ലൂളി, ബ്ലോക്ക് കോൺഗ്രസ് പ്രസിഡന്റ് എം.പി. കേളുക്കുട്ടി, എ. ഹരിദാസൻ, പി. ഷൗക്കത്തലി, തൂലിക മോഹനൻ, ലീന വാസുദേവ്, ജിഷ ചോലക്കമണ്ണിൽ, സുബ്രഹ്മണ്യൻ കോണിക്കൽ, എം.പി. അശോകൻ, ജിജിത്ത് പൈങ്ങോട്ടുപുറം, ബൈജു തീക്കുന്നുമ്മൽ, കെ. റജിൻ ദാസ് എന്നിവർ സംസാരിച്ചു.