കണ്ണട വിതരണം

താമരശ്ശേരി: ലയൺസ് ക്ലബ് സൈറ്റ് ഫോർ കിഡ്സ് പദ്ധതിയിൽ കാഴ്ചശക്തി കുറഞ്ഞ കുട്ടികൾക്ക് കണ്ണടകൾ വിതരണം ചെയ്തു. താമരശ്ശേരി ബി.ആർ.സിയിൽ നടന്ന പരിപാടിയിൽ 64 കുട്ടികൾക്ക് കണ്ണടകൾ വിതരണം ചെയ്തു. ഗ്രാമപഞ്ചായത്ത് പ്രസിഡന്റ് ജെ.ടി. അബ്ദുറഹ്മാൻ മാസ്റ്റർ ഉദ്ഘാടനം ചെയ്തു. താമരശ്ശേരി എ.ഇ.ഒ പ്രേമൻ മുഖ്യപ്രഭാഷണം നടത്തി. ബി.പി.സി വി.എം. മെഹറലി, താമരശ്ശേരി ലയൺസ് ക്ലബ് പ്രസിഡന്റ് ഡോ. അലക്സാണ്ടർ കോര, സെക്രട്ടറി ഡോ. കെ.പി. അബ്ദുൽ റഷീദ്, ഷീലാപോൾ തുടങ്ങിയവർ സംസാരിച്ചു. ലയൺസ് ക്ലബിന്റെ ആഭിമുഖ്യത്തിൽ നിർധന വിദ്യാർഥികൾക്ക് കാഴ്ച പരിശോധിച്ച് കണ്ണട നൽകാനും തിമിര രോഗമുള്ളവർക്കായി സൗജന്യമായി ശസ്ത്രക്രിയ നടത്താനും പദ്ധതി ആവിഷ്കരിച്ചിട്ടുണ്ടെന്ന് സെക്രട്ടറി ഡോ. കെ.പി. അബ്ദുൽ റഷീദ് അറിയിച്ചു. --------------------- താമരശ്ശേരി ലയൺസ് ക്ലബിന്റെ കണ്ണട വിതരണോദ്ഘാടനം ഗ്രാമപഞ്ചായത്ത് പ്രസിഡന്റ് ജെ.ടി. അബ്ദുറഹ്മാൻ മാസ്റ്റർ നിർവഹിക്കുന്നു