ഭൂനികുതി വർധനവ് പിൻവലിക്കണം

തലയാട്: കൃഷിഭൂമിയുടെ ന്യായ വിലയും, ഭൂനികുതിയും ഇരട്ടിയാക്കി വർധിപ്പിച്ച സർക്കാർ നടപടി പിൻവലിക്കണമെന്ന് തലയാട് ഫാർമേഴ്സ് ക്ലബ് യോഗം ആവശ്യപ്പെട്ടു. വന്യമൃഗശല്യത്താൽ ദുരിതം അനുഭവിക്കുന്ന കർഷകരെ കൂടുതൽ ദുരിതത്തിലാക്കുന്നതാണ് സർക്കാർ തീരുമാനമെന്നും യോഗം കുറ്റപ്പെടുത്തി. ടി.പി. കേളപ്പൻ അധ്യക്ഷത വഹിച്ചു. ടി.കെ. മുഹമ്മദലി, എം. ഷാജി, റോണി ജോസഫ് എന്നിവർ സംസാരിച്ചു.