വടകര സഹകരണ ആശുപത്രിയിൽ സി.ഐ.ടി.യു സമരം

വടകര: വടകര സഹകരണ ആശുപത്രിയിൽ ജീവനക്കാരിയെ സസ്‌പെൻഡ് ചെയ്തതിൽ സി.ഐ.ടി.യു സൂചന സമരം നടത്തി. ആശുപത്രി ജീവനക്കാരിയും കേരള കോ ഓപറേറ്റീവ് യൂനിയൻ (സി.ഐ.ടി.യു) സെക്രട്ടറിയുമായ സിന്ധുവിനെയാണ് സസ്പെൻഡ് ചെയ്തത്. സി.പി.എം നിയന്ത്രണത്തിലുള്ള ആശുപത്രിക്ക് മുമ്പിലുള്ള സി.ഐ.ടി.യു സമരം ചർച്ചയായിട്ടുണ്ട്. യൂനിയൻ വടകര ഏരിയ കമ്മിറ്റി നേതൃത്വത്തിലാണ് ആശുപത്രിക്ക് മുമ്പിൽ സൂചന സമരം നടത്തിയത്. സമരം സി.ഐ.ടി.യു ജില്ല കമ്മിറ്റി അംഗം വേണു കക്കട്ടിൽ ഉദ്ഘാടനം ചെയ്തു. യൂനിയൻ ഏരിയ പ്രസിഡന്റ് ടി.എം. ഷൈജു അധ്യക്ഷത വഹിച്ചു. സി.ഐ.ടി.യു ജില്ല സെകട്ടറി വി.കെ. വിനു, യൂനിയൻ ഏരിയ ട്രഷറർ ഇ. രവി കൃഷ്ണൻ എന്നിവർ സംസാരിച്ചു. യൂനിയൻ ഏരിയ സെക്രട്ടറി കെ.പി. സജിത്ത് കുമാർ സ്വാഗതം പറഞ്ഞു. പടം: വടകര സഹകരണ ആശുപത്രിക്ക് മുന്നിൽ സി.ഐ.ടി.യു നടത്തിയ സൂചന സമരം വേണു കക്കട്ടിൽ ഉദ്ഘാടനം ചെയ്യുന്നു. saji 5