'വഖഫ് തിരിമറി: ഉത്തരവാദികളെ മാറ്റിനിർത്തണം'

കോഴിക്കോട്​: സംസ്ഥാനത്ത് വഖഫ് ബോർഡിൽ കോടികളുടെ സ്വത്തു തിരിമറിയിൽ വിജിലൻസ് അന്വേഷണത്തിന് ഉത്തരവിട്ട സ്ഥിതിക്ക് ആരോപണവിധേയരായ രണ്ട് ബോർഡ് മെംബർമാരെയും മാറ്റിനിർത്തണമെന്ന് വഖഫ് സംരക്ഷണ ഏകോപന സമിതി സെക്ര​ട്ടേറിയറ്റ് ആവശ്യപ്പെട്ടു. ആരോപണവിധേയരായവർ തുടരുന്നത് അന്വേഷണത്തെ സ്വാധീനിക്കാൻ സാധ്യതയുണ്ടെന്ന് യോഗം കുറ്റപ്പെടുത്തി. ഹജ്ജ് കമ്മിറ്റി മെംബർ കെ.എം. മുഹമ്മദ് കാസിം കോയ പൊന്നാനി അധ്യക്ഷതവഹിച്ചു.