കെ-റെയിൽ നടപ്പിലാക്കാൻ അനുവദിക്കില്ല -എം.കെ. മുനീർ

കക്കട്ടിൽ: പിണറായിസർക്കാർ രണ്ടു ലക്ഷം കോടിയിലധികം ചെലവുവരുന്ന കെ-റെയിൽ പദ്ധതിയുമായി രംഗത്തുവന്നത് കമീഷൻ പറ്റാനാണെന്നും കേരളത്തിനാവശ്യമില്ലാത്ത കെ-റെയിൽ നടപ്പാക്കാനനുവദിക്കുന്ന പ്രശ്നമില്ലെന്നും പ്രതിപക്ഷ ഉപനേതാവ് എം.കെ. മുനീർ എം.എൽ.എ പറഞ്ഞു. കുന്നുമ്മൽ പഞ്ചായത്ത് മുസ്‍ലിം ലീഗ് ഓഫിസ് ഉദ്ഘാടനച്ചടങ്ങിൽ സംസാരിക്കുകയായിരുന്നു അദ്ദേഹം. ഓഫിസ് ഉദ്ഘാടനം മുസ്‍ലിം യൂത്ത് ലീഗ് പ്രസിഡന്റ് മുനവ്വറലി ശിഹാബ് തങ്ങൾ നിർവഹിച്ചു. പി.സി. അന്ത്രു ഹാജി അധ്യക്ഷത വഹിച്ചു. മുൻ എം.എൽ.എ പാറക്കൽ അബ്ദുല്ല, എ.വി. നാസിറുദ്ദീൻ, സി.വി. അഷ്റഫ്, എ.പി. കുഞ്ഞബ്ദുല്ല, വെട്ടം ആലിക്കോയ, പി. അഹമ്മദ്, പി.എം. അബൂബക്കർ, സൂപ്പി നരിക്കാട്ടേരി, നൊച്ചാട്ട് കുഞ്ഞബ്ദുല്ല തുടങ്ങിയവർ സംസാരിച്ചു. വൈറ്റ്ഗാഡ് റാലിക്ക് പി.കെ. ആശിഖ്, പി. മനാസിർ, മുഹമ്മദ് കുനിയിൽ എന്നിവർ നേതൃത്വം നൽകി. Photo: കുന്നുമ്മൽ പഞ്ചായത്ത് മുസ്‍ലിം ലീഗ് സമ്മേളനത്തിൽ എം.കെ. മുനീർ എം.എൽ.എ സംസാരിക്കുന്നു