അധ്യാപകർക്ക് യാത്രയയപ്പ് നൽകി ജുമാമസ്ജിദ്

പേരാമ്പ്ര: നൊച്ചാട് ഹയർ സെക്കൻഡറി സ്കൂളിൽനിന്നും വിരമിക്കുന്ന അധ്യാപകർക്ക് വെള്ളിയൂർ ജുമാമസ്ജിദ് കമ്മിറ്റി യാത്രയപ്പ് നൽകി. ഹയർസെക്കൻഡറി സ്കൂൾ പ്രിൻസിപ്പൽ സി. അബ്ദുറഹ്മാൻ, ടി. ശ്രീധരൻ, കെ. അഷ്റഫ്, പി. ജലീൽ, കെ.കെ. ഗീത, ടി.പി. അബ്ദുൽ അസീസ് എന്നിവർക്കാണ് യാത്രയയപ്പ് നൽകിയത്. യാത്രയയപ്പ് സംഗമം ജുമാ മസ്ജിദ് ഖത്തീബ് സഈദ് എലങ്കമൽ ഉദ്ഘാടനം ചെയ്തു. വെള്ളിയൂർ ജുമാമസ്ജിദ് കമ്മിറ്റി പ്രസിഡന്റ് എസ്.കെ. ലത്തീഫ് അധ്യക്ഷത വഹിച്ചു. വിരമിക്കുന്ന അധ്യാപകർക്കുള്ള ഉപഹാരം സഈദ് എലങ്കമൽ, ഇബ്രാഹിം പന്തിരിക്കര, ടി.പി. അബ്ദുൽ മജീദ്, ഡോക്ടർ കെ.വി. അബു എന്നിവർ നൽകി. വെള്ളിയൂർ ജുമാമസ്ജിദ് സെക്രട്ടറി കെ. മുബീർ, വൈസ് പ്രസിഡന്റ് കെ. അബ്ദുൽഹമീദ്, സി. മുസ്തഫ എന്നിവർ സംസാരിച്ചു. അൻഫാൽ അശ്റഫ് ഖിറാഅത്ത് നടത്തി.