ഉന്നതവിദ്യാഭ്യാസം അരക്ഷിതാവസ്ഥയിൽ -എം.കെ. രാഘവൻ എം.പി

കോഴിക്കോട്​: കേന്ദ്ര-സംസ്ഥാന സർക്കാറുകൾ നാടിനോ, വിദ്യാർഥികൾക്കോ ഉപകാരപ്പെടാത്ത വിദ്യാഭ്യാസ സമ്പ്രദായമാണ് അടിച്ചേൽപ്പിക്കുന്നതെന്ന് എം.കെ. രാഘവൻ എം.പി ആരോപിച്ചു. ഗവ. കോളജ് ടീച്ചേഴ്സ് ഓർഗനൈസേഷൻ (ജി.സി.ടി.ഒ ) 42ാം സംസ്ഥാന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സംസ്ഥാന പ്രസിഡന്റ് ഡോ.കെ. അനിൽകുമാർ അധ്യക്ഷത വഹിച്ചു. കെ.ജി.ഒ.യു സംസ്ഥാന വൈസ് പ്രസിഡന്റ് ബീന പൂവത്തിൽ, ജി.സി.ടി.ഒ സംസ്ഥാന ജനറൽ സെക്രട്ടറി ഡോ. ജാഫർ സാദിഖ്, ജവഹർലാൽ നെഹ്റു അക്കാദമി ചെയർമാൻ വി. അബ്ദുൽ റസാഖ്, ഡോ.മനോജ് മാത്യു, ആർ. ഷഹിൻ, മധു രാമനാട്ടുകര, കെ.കെ. രമ എന്നിവർ സംസാരിച്ചു. സ്വാഗതസംഘം ചെയർമാൻ ഡോ.കെ. ഭാർഗവൻ സ്വാഗതവും ജനറൽ കൺവീനർ കെ.സി. ലിബി നന്ദിയും പറഞ്ഞു.