എൻ.എസ്.എസ് സ്നേഹഭവനം കൈമാറി

താമരശ്ശേരി: കരിഞ്ചോലക്കൊരു കൈത്താങ്ങ് പദ്ധതിയുടെ ഭാഗമായി ഹയർസെക്കൻഡറി എൻ.എസ്.എസ് യൂനിറ്റുകളിലെ വളന്റിയർമാർ നിർമിച്ചുനൽകിയ സ്‌നേഹഭവനത്തിന്റെ താക്കോൽദാനം പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് നിർവഹിച്ചു. നിർമാണപ്രവൃത്തിയിൽ മുഖ്യപങ്കുവഹിച്ചവർക്ക് മന്ത്രി ഉപഹാരം സമ്മാനിച്ചു. കട്ടിപ്പാറ ഗ്രാമപഞ്ചായത്ത് പ്രസിഡന്റ് മുഹമ്മദ് മോയത്ത് അധ്യക്ഷത വഹിച്ചു. കോഴിക്കോട് ആർ.ഡി.ഡി ശൈലജ ദേവി, എൻ.എസ്.എസ് ഇ.ടി.ഐ കോഓഡിനേറ്റർ ഡോ. എൻ.എം. സണ്ണി, കട്ടിപ്പാറ ഗ്രാമപഞ്ചായത്തംഗം ബിന്ദു സന്തോഷ്, എൻ.എസ്.എസ് ജില്ല കോഓഡിനേറ്റർ എസ്. ശ്രീജിത്ത്, പ്രോജക്ട് കോഓഡിനേറ്റർ എം. സതീഷ് കുമാർ, ക്ലസ്റ്റർ കോഓഡിനേറ്റർ കെ.പി. അനിൽകുമാർ, ഹക്കീം പൂവക്കോത്ത് എന്നിവർ സംസാരിച്ചു. ക്യാപ്'' നാഷനൽ സർവിസ് സ്കീം വളന്റിയർമാർ ചേർന്ന് നിർമിച്ച സ്നേഹഭവനത്തിന്റെ താക്കോൽദാന പരിപാടിയിൽ മന്ത്രി അഡ്വ. പി.എ. മുഹമ്മദ് റിയാസ് സംസാരിക്കുന്നു