അധ്യാപകർക്ക് യാത്രയയപ്പ്

വടകര: കെ.എസ്.ടി.എ ചോമ്പാല സബ് ജില്ല കമ്മിറ്റിയുടെ ആഭിമുഖ്യത്തിൽ വിരമിക്കുന്ന നൽകി. രണ്ട് വർഷം മുമ്പ് വിരമിച്ച അധ്യാപകർക്കും ഈ വർഷം വിരമിക്കുന്ന അധ്യാപകർക്കുമാണ് യാത്രയയപ്പ് നൽകിയത്. മടപ്പള്ളി ഹയർ സെക്കൻഡറി ഹാളിൽ നടന്ന ചടങ്ങിൽ കെ.എസ്.ടി.എ സംസ്ഥാന എക്സിക്യൂട്ടിവ് കമ്മിറ്റി അംഗം വി.പി. രാജീവൻ ഉദ്ഘാടനം ചെയ്തു. സബ് ജില്ല പ്രസിഡന്റ് ടി.എൻ. അശോകൻ അധ്യക്ഷത വഹിച്ചു. ചോറോട് പഞ്ചായത്ത് പ്രസിഡന്റ് പി.പി. ചന്ദ്രശേഖരൻ ഉപഹാരം നൽകി. ജില്ല വൈസ് പ്രസിഡന്റ് വി.വി. വിനോദ്, ജില്ല എക്സിക്യൂട്ടിവ് കമ്മിറ്റി അംഗങ്ങളായ പി.കെ. രാജൻ, പി.വി. പ്രശാന്തൻ, പി.കെ. സവിത എന്നിവർ സംസാരിച്ചു. സബ് ജില്ല സെക്രട്ടറി കെ.എം. സുജിത്ത്കുമാർ സ്വാഗതവും പി.കെ. വിനീഷ് നന്ദിയും പറഞ്ഞു.