വയോജന സഭ പ്രതിഷേധ സംഗമവും ഒപ്പുശേഖരണവും

നാദാപുരം: ട്രെയിൻ യാത്രക്കാരായ വയോജനങ്ങളുടെ ടിക്കറ്റിളവ് പുനഃസ്ഥാപിക്കുക, ഊന്നുവടി, വീൽചെയർ ബജറ്റ് വിഹിതം പുനഃസ്ഥാപിക്കുക എന്നീ ആവശ്യങ്ങൾ ഉന്നയിച്ച് തൂണേരി ബ്ലോക്ക് സായൂജ്യം വയോജന സഭയുടെ നേതൃത്വത്തിൽ നാദാപുരത്ത് വയോജന സഭ പ്രതിഷേധ സംഗമവും ഒപ്പുശേഖരണ പരിപാടിയും സംഘടിപ്പിച്ചു. ബ്ലോക്ക് പഞ്ചായത്ത് പ്രസിഡന്റ് കെ.പി. വനജ ഉദ്ഘാടനം ചെയ്തു. വയോജന സഭ പ്രസിഡന്റ് ടി.കെ. രാജൻ അധ്യക്ഷത വഹിച്ചു. വി.പി. കുഞ്ഞികൃഷ്ണൻ, മോഹനൻ പാറക്കടവ്, രജീന്ദ്രൻ കപ്പള്ളി, ബംഗ്ലത്ത് മുഹമ്മദ്, കെ.ടി.കെ ചന്ദ്രൻ, കരിമ്പിൽ ദിവാകരൻ, പി.കെ. ദാമു, സി.എച്ച്. ബാലകൃഷ്ണൻ, എ.കെ. പീതാംബരൻ, സി.പി. അബ്ദുസ്സലാം, വി. രാജലക്ഷ്മി എന്നിവർ സംസാരിച്ചു.