കൊടുവള്ളി നഗരസഭ ബജറ്റ് നിരാശജനകം

കൊടുവള്ളി: നഗരസഭ കൗൺസിലിൽ അവതരിപ്പിച്ച ബജറ്റ് നിരാശജനകമാണെന്ന് കൗൺസിലർ കാരാട്ട് ഫൈസൽ പ്രസ്താവനയിൽ പറഞ്ഞു. ഭാവനാശൂന്യതയാണ് ബജറ്റിന്റെ അടിസ്ഥാന സ്വഭാവം. വിവിധ മേഖലകളിൽ പ്രാവീണ്യമുള്ളവരുടെ അഭിപ്രായം തേടുകയോ, കൊടുവള്ളിയുടെ പ്രശ്നങ്ങൾ പഠിക്കുകയോ ചെയ്യാതെ തട്ടിക്കൂട്ടിയുണ്ടാക്കിയ ഈ ബജറ്റ് വഴി എന്തുനേട്ടമാണ് പ്രതീക്ഷിക്കുന്നതെന്ന് വിശദീകരിക്കാൻ നഗരസഭ ഭരണ നേതൃത്വത്തിന് ബാധ്യതയുണ്ട്.