മരത്തിൽ തലകറങ്ങിയ ആളെ രക്ഷിച്ചു

ഓമശ്ശേരി: മരത്തിൽ തോലുവെട്ടുന്നതിനിടെ തലകറക്കം അനുഭവപ്പെട്ടയാളെ ഒരുസംഘം യുവാക്കൾ രക്ഷിച്ചു. താഴെ ഓമശ്ശേരി കളരിക്കണ്ടി അബ്ദുലത്തീഫിനെയാണ് (ഇമ്പിച്ചി-43) ഓമശ്ശേരിയിലെ കർമ സേവനപ്രവർത്തകർ സാഹസികമായി രക്ഷിച്ചത്. വലയും കയറുമായി 15 മീറ്ററോളം ഉയരമുള്ള മരത്തിൽനിന്ന് സുരക്ഷിതമായി താഴെ ഇറക്കി. അഗ്നിരക്ഷാവിഭാഗം സ്ഥലത്തെത്തിയപ്പോഴക്കും ലത്തീഫിനെ താഴെ ഇറക്കിയിരുന്നു. കെ.പി. ബഷീർ, സി.സി. ഷറഫുദ്ദീൻ, അബീഷ്, മുഹമ്മദലി, യൂസുഫ്, നൗഷിഫ് ഇബ്രാഹീം എന്നിവർ നേതൃത്വം നൽകി. ലത്തീഫിനെ ശാന്തി ആശുപത്രിയിൽ പ്രവേശിപ്പിച്ച് ചികിത്സ നൽകി.