ജീവതാളം വ്യായാമകേന്ദ്രം ഉദ്ഘാടനം ചെയ്തു

തലക്കുളത്തൂർ: ജീവിതശൈലീരോഗങ്ങളില്ലാത്ത സമൂഹത്തെ വാർത്തെടുക്കുക എന്ന ലക്ഷ്യത്തോടെ ചേളന്നൂർ ബ്ലോക്ക് പഞ്ചായത്തിന്റെയും തലക്കുളത്തൂർ ഗ്രാമപഞ്ചായത്തിന്റെയും ആഭിമുഖ്യത്തിൽ പൊതുജനങ്ങൾക്കായി സജ്ജീകരിച്ച 'ജീവതാളം' വ്യായാമകേന്ദ്രത്തിന്റെ ഉദ്ഘാടനം തലക്കുളത്തൂർ സാമൂഹികാരോഗ്യകേന്ദ്രത്തിൽ വനം-വന്യജീവി സംരക്ഷണ മന്ത്രി എ.കെ. ശശീന്ദ്രൻ നിർവഹിച്ചു. ചടങ്ങിൽ ഗ്രാമപഞ്ചായത്ത് പ്രസിഡന്റ് കെ.ടി. പ്രമീള അധ്യക്ഷത വഹിച്ചു. ബ്ലോക്ക് പഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കെ. സർജാസ് മാസ്റ്റർ, വികസനകാര്യ സ്റ്റാൻഡിങ് കമ്മിറ്റി ചെയർമാൻ ഹരിദാസൻ ഈച്ചരോത്ത്, ബ്ലോക്ക് പഞ്ചായത്ത് അംഗങ്ങളായ ഐ.പി. ഗീത, പി.എം. രാമചന്ദ്രൻ, ഗ്രാമപഞ്ചായത്ത് ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൻ കെ.ജി. പ്രജിത, ഗ്രാമപഞ്ചായത്ത് അംഗം ഒ.ജെ. ചിന്നമ്മ, പി.കെ. സത്യൻ മാസ്റ്റർ, ചന്ദ്രൻ നായർ, യു.വി. ദിനേശ് മണി, പ്രകാശൻ മാസ്റ്റർ, വി. വിചിത്രൻ, കെ.കെ. ഉമ്മർ, പി.പി. ഹാഷിം തുടങ്ങിയവർ സംസാരിച്ചു. മെഡിക്കൽ ഓഫിസർ ബേബി പ്രീത സ്വാഗതവും ഹെൽത്ത് സൂപ്പർവൈസർ ടോമി തോമസ് നന്ദിയും പറഞ്ഞു.