കിണറ്റിൽ വീണ പോത്തിനെ അഗ്നിരക്ഷാസേന രക്ഷപ്പെടുത്തി

മുക്കം: കിണറ്റിൽ വീണ പോത്തിനെ അഗ്‌നിരക്ഷാസേന രക്ഷപ്പെടുത്തി. ചാത്തമംഗലം പഞ്ചായത്തിലെ കല്ലുംപുറത്ത് പുതിയോടിൽ മുഹമ്മദിന്റെ പോത്താണ് കഴിഞ്ഞദിവസം രാവിലെ വീട്ടുമുറ്റത്തെ 30 അടി ആഴമുള്ള കിണറിൽ വീണത്. മുക്കം അഗ്നിരക്ഷാനിലയത്തിൽനിന്ന് അസി. സ്റ്റേഷൻ ഓഫിസർ വിജയൻ നടുത്തൊടിയുടെ നേതൃത്വത്തിൽ സ്ഥലത്തെത്തിയ സേനയിലെ ഫയർ ആൻഡ് റെസ്ക്യൂ ഓഫിസർ ഒ. അബ്ദുൽ ജലീൽ കിണറ്റിലിറങ്ങി പോത്തിനെ പുറത്തെത്തിക്കുകയായിരുന്നു. സീനിയർ ഫയർ ആൻഡ് റെസ്ക്യൂ ഓഫിസർ പയസ് അഗസ്റ്റിൽ, ഫയർ ഓഫിസർമാരായ സിന്തിൽ കുമാർ, എസ്.ജി. വിഷ്ണു, പി. ജിതിൻ രാജ്, ഹോംഗാർഡ് ജോഷി എന്നിവർ രക്ഷാപ്രവർത്തനത്തിൽ പങ്കെടുത്തു.