ബസ് വ്യവസായം സംരക്ഷിക്കാൻ സർക്കാർ ഇടപെടണം -കെ.കെ. രമ

വടകര: അതീവ പ്രതിസന്ധി നേരിടുന്ന കാലഘട്ടത്തിൽ ബസ് വ്യവസായം സംരക്ഷിക്കാൻ സർക്കാർ അടിയന്തര ഇടപെടൽ നടത്തണമെന്ന് കെ.കെ. രമ എം.എൽ.എ പറഞ്ഞു. സ്വകാര്യ ബസുകൾ വ്യാഴാഴ്ച മുതൽ നടത്തുന്ന അനിശ്ചിതകാല പണിമുടക്കിന് മുന്നോടിയായി ബസ് ഓപറേറ്റേഴ്സ് അസോസിയേഷൻ വടകരയിൽ നടത്തിയ ധർണ ഉദ്ഘാടനം ചെയ്യുകയായിരുന്നു അവർ. ബസ് ഓപറേറ്റേഴ്സ് അസോസിയേഷൻ പ്രസിഡന്റ് വി.വി. പ്രസീത് കുമാർ അധ്യക്ഷത വഹിച്ചു. സെക്രട്ടറി കെ.കെ. ഗോപാലൻ നമ്പ്യാർ, ഇ. നാരായൺനായർ, കെ.വി. രാമചന്ദ്രൻ, കെ.എൻ.എ അമീർ, എം. ബാലകൃഷ്ണൻ, പി.പി.കെ. ബാബു, ഉഷസ് ഗോപാലൻ, സെൽവ കുഞ്ഞമ്മദ്, കെ. വിജയൻ എന്നിവർ സംസാരിച്ചു.