അനധികൃത വയൽ നികത്തൽ; പൊലീസ്​ നടപടി കർശനമാക്കി

ചേളന്നൂർ: വയൽ നികത്താൻ മണ്ണ്​ കടത്തുന്നതിനിടെ ​പൊലീസ്​ ലോറി പിടികൂടി. ചേളന്നൂരിൽ അനധികൃത മണ്ണുഖനനവും വയൽനികത്തലും വ്യാപകമായതിനെ തുടർന്നുള്ള​ പൊലീസ്​ പരിശോധനയിലാണ്​ ലോറി പിടികൂടിയത്​. ചേളന്നൂർ മണ്ണാംകണ്ടിത്താഴത്തിനു സമീപം കുന്നിടിച്ച് മണ്ണുമായി പോകവേ ലോറി കാക്കൂർ എസ്.ഐ എം. അബ്ദുൽ സലാം പിടികൂടുകയായിരുന്നു. കഴിഞ്ഞ ദിവസം പെരുമ്പൊയിലിനടുത്തുവെച്ചും വയൽനികത്തവെ ലോറി കാക്കൂർ പൊലീസ്​ കസ്റ്റഡിയിലെടുത്തു. ചേളന്നൂരിൽ വൻ തോതിൽ വയൽ നികത്തിയിട്ടും വില്ലേജ്​ അധികൃതർ നടപടി സ്വീകരിക്കുന്നില്ലെന്ന ആക്ഷേപം വ്യാപകമായിരുന്നു. പൊലീസ്​ രംഗത്തിറങ്ങിയത്​ മണ്ണുമാഫിയകൾക്ക്​ ഭീഷണിയായിട്ടുണ്ട്​. കഴിഞ്ഞ ദിവസം കണ്ടോത്തുപാറ ഭാഗത്തുനിന്ന് ടിപ്പറും മണ്ണുമാന്തിയന്ത്രവും പൊലീസ്​ പിടികൂടിയിരുന്നു.