കെ.പി. ഉമ്മർ പുരസ്കാരം ബ്രിജേഷ് പ്രതാപിന്

പേരാമ്പ്ര: മികച്ച ഹ്രസ്വ ചലച്ചിത്ര പ്രതിഭക്കുള്ള ഈ വര്‍ഷത്തെ കെ.പി. ഉമ്മര്‍ പുരസ്‌കാരം ബ്രിജേഷ് പ്രതാപിന്. കണ്ണൂരിൽ നടന്ന ചടങ്ങിൽ ചലച്ചിത്ര സംവിധായകന്‍ മോഹൻ കുപ്ലേരി പുരസ്കാരം സമ്മാനിച്ചു. ഇന്ത്യയിലെ വിവിധ സംസ്ഥാനങ്ങളിലും ബ്രിട്ടൻ, അമേരിക്ക, ഫ്രാൻസ് തുടങ്ങിയ വിദേശ രാജ്യങ്ങളിലുമായി നടന്ന വിവിധ അന്താരാഷ്ട്ര ചലച്ചിത്രമേളകളിൽ 111 അവാർഡുകൾ എന്ന അപൂർവ നേട്ടം സ്വന്തമാക്കിയ 'യക്ഷി' എന്ന ഹ്രസ്വ സിനിമയുടെ സംവിധായകനും നിർമാതാവും തിരക്കഥാകൃത്തുമായ ബ്രിജേഷ് പ്രതാപ് പേരാമ്പ്ര കൂത്താളി സ്വദേശിയാണ്. Photo: ബ്രിജേഷ് പ്രതാപിന് കെ.പി. ഉമ്മർ സ്മാരക പുരസ്കാരം നൽകുന്നു