ഏറ്റവും ചെറിയ അമ്മപ്പശുവിനെ കണ്ടെത്തിയതായി അവകാശവാദം

കോഴിക്കോട്​: ലോക​െത്ത ഏറ്റവും ചെറിയ അമ്മപ്പശുവിനെ കണ്ടെത്തിയതായി അവകാശവാദം. ഫറോക്ക്​ കരുവൻതിരുത്തി മഠത്തിൽപാഠം സഹീദ മൻസിലിൽ ​കെ.എം. മുഹമ്മദ്​ ബഷീർ വളർത്തുന്ന മീനാക്ഷിയെന്ന പശുവാണ്​, ലോകത്തെ പ്രസവിച്ച ഏറ്റവും വലുപ്പംകുറഞ്ഞ പശുവെന്ന്​, റെക്കോഡുകൾ നൽകുന്ന സ്വകാര്യ ഏജൻസിയായ യൂനിവേഴ്​സൽ റെക്കോഡ്​ ഫോറം ചീഫ്​ എഡിറ്റർ സുനിൽ ജോസഫ്​ വാർത്ത സമ്മേളനത്തിൽ പറഞ്ഞു. നിലവിൽ 90 സെ.മീറ്ററുള്ള വെച്ചൂർ പശുവിനാണ്​ ഈയിനത്തിൽ ലോക റെക്കോഡെന്നും 'മീനാക്ഷി'ക്ക്​ 76 സെ.മീറ്ററാണ്​ ഉയരമെന്നും അദ്ദേഹം പറഞ്ഞു. 8,000 രൂപയാണ്​ റെക്കോഡ്​ നൽകുന്നതിനുള്ള ഫീസെന്നും സുനിൽ ജോസഫ്​ വ്യക്​തമാക്കി. വെള്ളിയാഴ്ച വൈകീട്ട്​ അഞ്ചിന്​ മുഹമ്മദ്​ ബഷീറിന്‍റെ വീട്ടിൽ​വെച്ച്​ മന്ത്രി പി.എ. മുഹമ്മദ്​ റിയാസ്​ റെക്കോഡ്​ കൈമാറും.