ബ്രൗൺ ഷുഗർ കൈവശം വെച്ച കേസിൽ കഠിന തടവും,പിഴയും ശിക്ഷ

ബ്രൗൺ ഷുഗർ കൈവശംവെച്ച കേസിൽ കഠിന തടവും പിഴയും വടകര: ബ്രൗൺ ഷുഗറുമായി അറസ്റ്റിലായ പ്രതിക്ക് രണ്ടു വർഷം കഠിനതടവും 5000 രൂപ പിഴയും ശിക്ഷ. കോഴിക്കോട് ഉണ്ണികുളം തലയാട് പുളിക്കൽകുന്നേൽ മനാഫിനെയാണ് (44) വടകര എൻ.ഡി.പി.എസ് ജഡ്ജി വി.പി.എം. സുരേഷ്ബാബു ശിക്ഷിച്ചത്. പിഴ അടച്ചില്ലെങ്കിൽ ഒരു മാസംകൂടി കഠിന തടവ് അനുഭവിക്കണം. 2008 ജനുവരി 17നാണ് കേസിനാസ്പദമായ സംഭവം. എരഞ്ഞിപ്പാലം ജങ്ഷനു സമീപംവെച്ച് വിൽപനക്കു കൊണ്ടുപോകുകയായിരുന്ന ആറര കിലോ ബ്രൗൺ ഷുഗറുമായാണ് പ്രതിയെ നടക്കാവ് പൊലീസ് അറസ്റ്റ് ചെയ്തത്.