കർഷകത്തൊഴിലാളി ധർണ

മുക്കം: കർഷകത്തൊഴിലാളികൾ കുമാരനെല്ലൂർ വില്ലേജ് ഓഫിസിന് മുന്നിൽ ധർണ നടത്തി. ഭാരതീയ ഖേത്ത് മസ്ദൂർ യൂനിയൻ (ബി.കെ.എം.യു) നേതൃത്വത്തിൽ നടന്ന ധർണ ജില്ല പ്രസിഡൻറ് പി.കെ. കണ്ണൻ ഉദ്ഘാടനം ചെയ്തു. കർഷകത്തൊഴിലാളികൾക്ക് ഉപാധിയില്ലാതെ പെൻഷൻ അനുവദിക്കുക, നിലവിലുള്ള പെൻഷൻ 3000 രൂപയാക്കി വർധിപ്പിക്കുക, ക്ഷേമനിധി ആനുകൂല്യങ്ങൾ വിതരണം ചെയ്യുന്നതിലെ കാലതാമസം ഒഴിവാക്കുക എന്നീ ആവശ്യങ്ങൾ സമരക്കാർ ഉന്നയിച്ചു. എ.പി. മണിക്കുട്ടൻ അധ്യക്ഷത വഹിച്ചു. കെ. ഷാജികുമാർ, പി.കെ. രാമൻകുട്ടി, ലിസി സ്കറിയ, ഷിനു അമ്പഴങ്ങിനാൽ, പി.കെ. സീത, വിപിൻ ഗോപാൽ, സി. ഉസ്സയിൻ എന്നിവർ സംസാരിച്ചു.