സ്കൂൾ വിദ്യാർഥികൾ തലമുടി ദാനം ചെയ്തു

കക്കട്ടിൽ: കീമോ തെറപ്പി ചെയ്ത് മുടി നഷ്ടപ്പെട്ട അർബുദ രോഗികൾക്ക് വിഗ്ഗ് നിർമിക്കാൻ കേശദാനം നടത്തി ചീക്കോന്ന യു.പി സ്കൂൾ വിദ്യാർഥിനികൾ മാതൃകയായി. അനുമോദന ചടങ്ങ് കുറ്റ്യാടി സി.ഐ ടി.പി. ഫർഷാദ് ഉദ്ഘാടനം ചെയ്തു. നരിപ്പറ്റ ഗ്രാമ പഞ്ചായത്ത് പ്രസിഡന്റ് ബാബു കാട്ടാളി മുഖ്യാതിഥിയായിരുന്നു. വാർഡ് മെംബർ അനുരാജ് അധ്യക്ഷത വഹിച്ചു. ചിന്നൂസ് കൂട്ടായ്മ പ്രവർത്തകരും ഹെയർ ബാങ്ക് പ്രവർത്തകരും ചടങ്ങിൽ പങ്കെടുത്തു. മുടി ദാനം ചെയ്ത കുട്ടികൾക്ക് ചിന്നൂസ് കൂട്ടായ്മ ഏർപ്പെടുത്തിയ സർട്ടിഫിക്കറ്റും മെമന്റോകളും സി.ഐ ഫർഷാദ് വിതരണം ചെയ്തു. ഹെഡ്മിസ്ട്രസ് കെ.എം. ബീന, സലാം ടാലന്റ്, ഗഫൂർ കുറ്റ്യാടി എന്നിവർ ആശംസ നേർന്നു. Photo: