ഗുരു ചേമഞ്ചേരി അനുസ്മരണം തുടങ്ങി

ചേമഞ്ചേരി: പൂക്കാട് കലാലയത്തിൽ ഗുരു ചേമഞ്ചേരി കുഞ്ഞിരാമൻ നായരുടെ അനുസ്മരണ പരിപാടികൾ തുടങ്ങി. സ്മൃതി മണ്ഡപത്തിൽ ഗുരുവിന്റെ ഛായാചിത്രത്തിൽ പുഷ്പാർച്ചന നടത്തി. ശിവദാസ് ചേമഞ്ചേരി ദീപപ്രകാശനം നടത്തി. യു.കെ. രാഘവൻ അനുസ്മരണ പ്രഭാഷണം നടത്തി. ഡോ. കോയ കാപ്പാട്, അശോകൻ കോട്ട്, ശിവദാസ് കാരോളി, സുനിൽ തിരുവങ്ങൂർ എന്നിവർ സംസാരിച്ചു. മാർച്ച് 27ന് നൃത്തപരിശീലന ക്യാമ്പുകൾ, ഫോട്ടോ പ്രദർശനം, സ്മൃതിമധുരം, ഗുരുവിന്റെ കലാജീവിതം പ്രമേയമായ നൃത്തസംഗീതശില്പം എന്നിവ നടക്കും. കൊയിലാണ്ടി: ചേലിയ കഥകളി വിദ്യാലയത്തിന്റെ ആഭിമുഖ്യത്തിൽ ഗുരു ചേമഞ്ചേരി കുഞ്ഞിരാമൻ നായരുടെ ഒന്നാം ചരമവാർഷിക പരിപാടികൾ തുടങ്ങി. കലാമണ്ഡലം ക്ഷേമാവതി ഉദ്ഘാടനം ചെയ്തു. ചെങ്ങോട്ടുകാവ് പഞ്ചായത്ത് പ്രസിഡൻറ് ഷീബ മലയിൽ, ഡോ. എൻ.വി. സദാനന്ദൻ, പി. ബാബുരാജ്, കെ.ടി.എം. കോയ, ടി.കെ. മജീദ്, വി. സത്യൻ, കെ.എം. മജു, സന്തോഷ് സദ്ഗമയ എന്നിവർ സംസാരിച്ചു. പടം: ചേലിയ കഥകളി വിദ്യാലയത്തിന്റെ ഗുരു ചേമഞ്ചേരി കുഞ്ഞിരാമൻ നായർ അനുസ്മരണം കലാമണ്ഡലം ക്ഷേമാവതി ഉദ്ഘാടനം ചെയ്യുന്നു