കഥസമാഹാരം പ്രകാശനം

കോഴിക്കോട്: സിറു റസാഖ്​ സിയുടെ 'സ്വപ്നങ്ങളിലൂടെയൊരു തീർഥാടനം' കഥസമാഹാരം പി.കെ. പാറക്കടവ് പി.ആർ. നാഥന്​ നൽകി പ്രകാശനം ചെയ്തു. പ്രിൻസിപ്പൽ പ്രഫ. എ. കുട്ട്യാലിക്കുട്ടി അധ്യക്ഷത വഹിച്ചു. വൈസ് പ്രിൻസിപ്പൽ പ്രഫ. ടി. സുരേശൻ, എഴുത്തുകാരി ശ്രീലത രാധാകൃഷ്ണൻ, മലയാളവിഭാഗം അധ്യാപിക സരിത, ലൈഫ് ബുക്സ് എഡിറ്റർ ഷിബു ടി. ജോസഫ്, സിറു റസാഖ് എന്നിവർ സംസാരിച്ചു. ആദ്യവിൽപന ഇംഗ്ലീഷ് വിഭാഗം മേധാവി പ്രഫ. റയീസ് മുഹമ്മദ് നിർവഹിച്ചു. പുസ്തകത്തിന്‍റെ കവർചിത്രം തയാറാക്കിയ കാന്തി സൂര്യബാലക്ക് ഉപഹാരം നൽകി. കോളജിലെ മ്യൂസിക് ക്ലബ് ഫിർദൗസിന്‍റെ നേതൃത്വത്തിൽ സംഗീതവിരുന്ന് നടന്നു.