മോഹനൻ പുതിയോട്ടിലിന്‍റെ കഥാസമാഹാരം പ്രകാശനം ചെയ്തു

കോഴി​ക്കോട്​: മുൻ പൊലീസ്​ ഉദ്യോഗസ്ഥൻ മോഹനൻ പുതിയോട്ടിലിന്‍റെ കഥാസമാഹാരം 'അവൻ ​ശ്രീരാമൻ' നോവലിസ്റ്റ്​ യു.കെ. കുമാരൻ കവി പി.പി. ശ്രീധരനുണ്ണിക്ക്​ നൽകി പ്രകാശനം ചെയ്തു. സമൂഹം സമ്പന്നമാവുന്നത്​ സാംസ്കാരിക അന്തരീക്ഷം ചൈതന്യപൂർണമാവു​മ്പോഴാണെന്നും പുതിയ കാലം എഴുത്തും വായനയും കൊണ്ട്​ സക്രിയമാ​ണെന്നും അദ്ദേഹം പറഞ്ഞു. മോഹനന്‍റെ കഥകൾ മികച്ച സൃഷ്ടികളാണെന്നും അദ്ദേഹം അഭിപ്രായപ്പെട്ടു. മനോരമ ചീഫ്​ ന്യൂസ്​ എഡിറ്റർ പി.ജെ. ജോഷ്വ അധ്യക്ഷത വഹിച്ചു. ജില്ല ജഡ്ജി​ ആർ.എൽ. ബൈജു, എഴുത്തുകാരൻ കെ.ജി. രഘുനാഥ്​, ഡോ. റോഷൻ ബിജിലി, സുനിൽ മടപ്പള്ളി, ബൈജു മേരിക്കുന്ന്​ എന്നിവർ സംസാരിച്ചു. ഇ.ആർ. ഉണ്ണി സ്വാഗതവും മോഹനൻ പുതിയോട്ടിൽ നന്ദിയും പറഞ്ഞു. vj