ബജറ്റ് നിരാശജനകം

കോഴിക്കോട്​: കേരള ബജറ്റ് ജില്ലയെ സംബന്ധിച്ചിടത്തോളം നിരാശജനകമെന്ന് മുസ്‍ലിം ലീഗ്. വിമാനത്താവള വികസനം, ലൈറ്റ് മെട്രോ മൊബിലിറ്റി ഹബ്, തീരദേശ റോഡ്, ആധുനിക സ്പോർട്സ് കോംപ്ലക്സ് തുടങ്ങിയ വികസനപദ്ധതികൾ അവഗണിച്ചതായി മുസ്​ലിം ലീഗ് ജില്ല നേതൃയോഗം അഭിപ്രായപ്പെട്ടു. പ്രസിഡന്‍റ്​ ഉമർ പാണ്ടികശാല അധ്യക്ഷത വഹിച്ചു. സംസ്ഥാന ഫണ്ട് വിജയിപ്പിക്കാൻ പരിപാടി തയാറാക്കി. യൂത്ത്​ ലീഗ് ഭാരവാഹികളുടെ പേരിൽ കേസെടുത്ത വെള്ളയിൽ പൊലീസ്​ നടപടിയിൽ യോഗം പ്രതിഷേധിച്ചു. എം.എ. റസാഖ് സ്വാഗതവും എം.എ. മജീദ് നന്ദിയും പറഞ്ഞു. കെ. മൊയ്തീൻകോയ, സമദ് പൂക്കാട്, നൊച്ചാട് കുഞ്ഞബ്ദുല്ല, ഒ.പി. നസീർ എന്നിവർ സംസാരിച്ചു.