ദയാപുരം അലുമ്നി കോൺവർസേഷൻ സീരീസ്: ആറാമത് സെഷൻ

ചാത്തമംഗലം: ദയാപുരം റെസിഡൻഷ്യൽ സ്കൂൾ അലുമ്നി കോൺവർസേഷൻ സീരീസിലെ ആറാമത് സെഷനായ 'മീറ്റ് ദ സയന്‍റിസ്റ്റ്' പരിപാടിയില്‍ പൂർവ വിദ്യാർഥി ഒ.ടി. ആനന്ദ് ശങ്കർ വിദ്യാർഥികളോട് സംവദിച്ചു. തിരുവനന്തപുരം ഐ.ഐ.എസ്.ടിയില്‍നിന്ന് ഏവിയോണിക്സ് എന്‍ജിനീയറിങ്ങില്‍ ബിരുദം നേടിയ ആനന്ദ് വിക്രം സാരാഭായ് സെന്‍ററില്‍ സാറ്റലൈറ്റ് നാവിഗേഷന്‍ ഡിവിഷനില്‍ ശാസ്ത്രജ്ഞനാണ്. ദയാപുരം പേട്രണ്‍ സി.ടി. അബ്ദുറഹീം ആമുഖഭാഷണം നടത്തി. സൂം പ്ലാറ്റ്ഫോമിൽ നടന്ന പരിപാടിയിൽ വിദ്യാർഥികളായ നവീദ് മുഹമ്മദ് സ്വാഗതവും ഐഷ ഫർഹ നന്ദിയും പറഞ്ഞു.