'ഒഴിപ്പിക്കപ്പെടുന്ന വ്യാപാരികൾക്ക് പുനരധിവാസമോ പ്രതിഫലമോ നൽകണം'

രാമനാട്ടുകര: വികസനത്തിന്റെ ഭാഗമായി ഒഴിപ്പിക്കപ്പെടുന്ന വ്യാപാരികൾക്ക് പുനരധിവാസമോ പ്രതിഫലമോ നൽകണമെന്ന് വ്യാപാരി വ്യവസായി സമിതി. റോഡ് വികസനത്തിന്റെ ഭാഗമായി ഒഴിപ്പിക്കപ്പെടുന്ന വ്യാപാരികൾക്ക് പുനരധിവാസമോ മതിയായ പ്രതിഫലമോ നൽകണമെന്ന് ഫറോക്ക് മേഖല കൺവെൻഷൻ ആവശ്യപ്പെട്ടു. രാമനാട്ടുകര സുരഭി ഓഡിറ്റോറിയത്തിൽ നടന്ന കൺവെൻഷൻ സംസ്ഥാന പ്രസിഡന്റ് വി.കെ.സി. മമ്മദ് കോയ ഉദ്ഘാടനം ചെയ്തു. എ.എം. ഷാജി അധ്യക്ഷത വഹിച്ചു. സംസ്ഥാന ജോ. സെക്രട്ടറി സി.കെ. വിജയൻ, ജില്ല സെക്രട്ടറി ടി. മരക്കാർ, കെ.എം. റഫീഖ്, സി.വി. ഇഖ്ബാൽ, കെ.വി.എം. ഫിറോസ് എന്നിവർ സംസാരിച്ചു. ടി. മധുസൂദനൻ സ്വാഗതവും ജലീൽ ചാലിയിൽ നന്ദിയും പറഞ്ഞു.