ബംഗാളിൽ വനിത ധനമന്ത്രി

കൊൽക്കത്ത: ധനവകുപ്പ് ചുമതലയുള്ള രണ്ടാമത്തെ സംസ്ഥാന മന്ത്രിയായി പശ്ചിമബംഗാളി​ൽ ചന്ദ്രിമ ഭട്ടാചാര്യ ചുമതലയേറ്റു. വനിത ദിനത്തിൽ മുഖ്യമന്ത്രി മമത ബാനർജിയാണ് മന്ത്രിസഭ വികസനം നടത്തിയത്. നിലവിൽ ധനകാര്യ സഹമന്ത്രിയായ ചന്ദ്രിമക്ക് വകുപ്പിന്റെ സ്വതന്ത്രചുമതലയാണ് നൽകിയത്. ധനവകുപ്പ് ഇതുവരെ മുഖ്യമന്ത്രിയുടെ കീഴിലായിരുന്നു. മന്ത്രിസഭയിലെ മുതിർന്ന അംഗമായ ഫിർഹാദ് ഹക്കീമിന് ഭവനകാര്യ വകുപ്പ് അധികമായി നൽകിയിട്ടുണ്ട്. അസമിൽ കഴിഞ്ഞ വർഷം അജന്ത നിയോഗ് ധനമന്ത്രിയായിരുന്നു.