മടവൂർ ടൗണിൽ സി.സി.ടി.വി സ്ഥാപിച്ചു

മടവൂർ: കുന്ദമംഗലം പൊലീസിന്റെ നിർദേശപ്രകാരം മടവൂർ അങ്ങാടിയിൽ സി.സി.ടി.വി സ്ഥാപിച്ചു. മടവൂർ സി.എം മഖാം കമ്മിറ്റിയാണ് സി.സി.ടി.വി സ്പോൺസർ ചെയ്തത്. മടവൂരിൽ നടന്ന ചടങ്ങിൽ കുന്ദമംഗലം സർക്കിൾ എസ്.എച്ച്.ഒ യൂസുഫ് നടുത്തറമ്മൽ ഉദ്ഘാടനം നിർവഹിച്ചു. മഖാം കമ്മിറ്റി വൈസ് പ്രസിഡൻറ് മൂത്താട്ട് അബ്ദുറഹിമാൻ അധ്യക്ഷത വഹിച്ചു. വാർഡ് മെംബർ സന്തോഷ്‌, മഖാം മഹല്ല് ജനറൽ സെക്രട്ടറി കെ.എം. മുഹമ്മദ്‌, ടി.കെ. അബൂബക്കർ, പി. മൊയ്‌തീൻ കുട്ടി, വി.സി. റിയാസ് ഖാൻ, ബഷീർ മില്ലത്ത്, കെ.പി. യസാർ, മുനീർ പുതുക്കുടി, പി.യു. സാലിഹ്, ബാവ മടവൂർ തുടങ്ങിയവർ സംസാരിച്ചു. ജനറൽ സെക്രട്ടറി യു. ഷറഫുദ്ദീൻ സ്വാഗതവും ഫൈസൽ ഫൈസി മടവൂർ നന്ദിയും പറഞ്ഞു.