രേഖകളും സ്വർണവും അടങ്ങിയ ബാഗ് തിരിച്ചുനൽകി

വടകര: ഓട്ടോയിൽ മറന്ന സ്വർണവും രേഖകളും അടങ്ങിയ ബാഗ് ഡ്രൈവർ ഉടമസ്ഥന് തിരിച്ചുനൽകി. കസ്റ്റംസ് റോഡ് പള്ളികൊയിലോത്ത് ശശീന്ദ്രനാണ് വടകര ടൗണിലെ ഒട്ടോയിൽ മറന്നുവെച്ച സ്വർണാഭരണങ്ങളും രേഖകളും അടങ്ങിയ ബാഗ് പൊലീസ് സ്റ്റേഷനിൽ ഏൽപ്പിച്ചത്. ഈ സമയം ബാഗ് നഷ്ടപ്പെട്ട കൈനാട്ടി കത്തളത്തിൽ സീനത്ത് പരാതിയുമായി സ്റ്റേഷനിൽ എത്തിയിരുന്നു. പൊലീസിന്റെ സാന്നിധ്യത്തിൽ ശശീന്ദ്രൻ ബാഗ് സീനത്തിന് കൈമാറി.