നിർമാണ സാമഗ്രികളുടെ വില നിയന്ത്രിക്കണം: ലെൻസ് ഫെഡ് താലൂക്ക് സമ്മേളനം

മുക്കം: നിർമാണ സാമഗ്രികളുടെ വിലക്കയറ്റം നിയന്ത്രിക്കുന്നതിന് സർക്കാർ അടിയന്തര നടപടികൾ സ്വീകരിക്കണമെന്ന് മുക്കത്ത് നടന്ന ലൈസൻസ്ഡ് എൻജിനീയറിങ് ആൻഡ് സൂപ്പർവൈസർ ഫെഡറേഷൻ (ലെൻസ് ഫെഡ്) കോഴിക്കോട് താലൂക്ക് സമ്മേളനം ആവശ്യപ്പെട്ടു. ലിന്റോ ജോസഫ് എം.എൽ.എ ഉദ്ഘാടനം ചെയ്തു. പരിസ്ഥിതി സൗഹൃദമായ നിർമാണമാണ് കേരളത്തിൽ നടത്തേണ്ടതെന്നും എം.എൽ.എ പറഞ്ഞു. ലെൻസ് ഫെഡ് കോഴിക്കോട് താലൂക്ക് പ്രസിഡന്റ് ജയ്സൺ അധ്യക്ഷതവഹിച്ചു. മുക്കം നഗരസഭ ചെയർമാൻ പി.ടി. ബാബു, അബ്ദു തിരപ്പയിൽ, ഇ.ആർ. സെയ്നുദ്ദീൻ, അജിത് കുമാർ, പി.ജെ. ജൂഡ്സെൻ എന്നിവർ സംസാരിച്ചു. ഷൈജു സുഹൈൽ സ്വാഗതവും എം. പ്രകാശൻ നന്ദിയും പറഞ്ഞു.