ബി.സ്മാർട്ട് വിദ്യാർഥികൾക്ക് യാത്രയയപ്പ്

നടുവണ്ണൂർ: ഗവ. ഹയർ സെക്കൻഡറി സ്കൂൾ എജു മിഷൻ ഇന്നൊവേഷൻ ക്ലബ് ബി.സ്മാർട്ട് സി ബാച്ചിനുള്ള യാത്രയയപ്പ് 'ബിദാഈ 2022' അസിസ്റ്റൻറ് കലക്ടർ മുകുന്ദ് ഠാക്കൂർ ഉദ്ഘാടനം ചെയ്തു. പ്രധാനാധ്യാപകൻ മോഹനൻ പാഞ്ചേരി അധ്യക്ഷത വഹിച്ചു. ഐ.എസ്.ആർ.ഒ മുൻ ഡയറക്ടർ ഇ.കെ. കുട്ടി മുഖ്യാതിഥി ആയിരുന്നു. സംസ്ഥാന അധ്യാപക അവാർഡ് ജേതാവ് ഷജിൽ, പി.ടി.എ പ്രസിഡന്റ് അക്ബർ അലി, റീന കുമാരി, അഷ്റഫ് പുതിയപ്പുറം, കെ. ബൈജു, അബ്ദുൽ അസീസ് എന്നിവർ സംസാരിച്ചു. എ.ടി.എൽ സ്പേസ് ചലഞ്ചിൽ പങ്കെടുത്ത വിദ്യാർഥികൾക്കും സ്കൂളിൽനിന്ന് വിരമിക്കുന്ന അധ്യാപകർക്കും ഉപഹാരങ്ങൾ നൽകി.