റിഫ മെഹ്​നുവിന്റെ മൃതദേഹം ഇന്ന് പുലർ​ച്ചെ നാട്ടിലെത്തിക്കും

കാക്കൂർ: ദുബൈയിൽ മരിച്ചനിലയിൽ കണ്ടെത്തിയ ​​​േവ്ലാഗറും ആൽബം താരവുമായ കാക്കൂർ പാവണ്ടൂർ അമ്പലപ്പറമ്പിൽ റിഫ ഷെറിന്‍റെ (റിഫ മെഹ്​നു-22) മൃതദേഹം വ്യാഴാഴ്ച പുലർച്ച രണ്ടരയോടെ കരിപ്പൂരിലെത്തിക്കും. ബുധനാഴ്ച രാത്രി 9.45ന്​​ ഷാർജയിൽനിന്ന്​ കോഴിക്കോട്ടേക്കു​ പുറപ്പെട്ട വിമാനത്തിലാണ്​ നാട്ടിലെത്തിക്കുന്നത്​. ആറിന് വീട്ടിലെത്തിക്കാനുള്ള തരത്തിലാണ് ക്രമീകരണം. ഏഴിന് പാവണ്ടൂർ ജുമാ മസ്ജിദിൽ മയ്യിത്ത് നമസ്കാരത്തിനുശേഷം ഖബറടക്കും. ദുബൈ ജാഫിലിയയിലെ താമസസ്ഥലത്ത് ചൊവ്വാഴ്ച രാവിലെയാണ് റിഫയെ തൂങ്ങിമരിച്ച നിലയിൽ കണ്ടെത്തിയത്. ഭർത്താവ്​ മെഹ്​നുവിനൊപ്പമായിരുന്നു താമസം. പടം: റിഫ