'സാമ്പത്തിക പാക്കേജ് അനുവദിക്കണം'

ബാലുശ്ശേരി: കോവിഡ് കാലത്ത് ദുരിതമനുഭവിച്ച ബാർബർ ബ്യൂട്ടീഷ്യൻസ് തൊഴിലാളി വിഭാഗത്തിന് സാമ്പത്തിക പാക്കേജ് അനുവദിക്കണമെന്ന് കേരള സ്റ്റേറ്റ് ബാർബർ ആൻഡ് ബ്യൂട്ടീഷ്യൻസ് അസോസിയേഷൻ കൊയിലാണ്ടി താലൂക്ക് സമ്മേളനം ആവശ്യപ്പെട്ടു. ഹൈവേ വികസനത്തിന്റെ ഭാഗമായി സ്ഥാപനങ്ങൾ നഷ്ടപ്പെടുന്ന തൊഴിലാളികൾക്ക് പുനരധിവാസം ഉറപ്പാക്കണമെന്നും ആവശ്യപ്പെട്ടു. ജില്ല പ്രസിഡന്റ് ജി. ചന്ദ്രൻ ഉദ്ഘാടനം ചെയ്തു. സംസ്ഥാന ട്രഷറർ കെ. ഉണ്ണികൃഷ്ണൻ മുഖ്യപ്രഭാഷണം നടത്തി. കെ.കെ. രവി, പി. ശശി എന്നിവർ സംസാരിച്ചു.