പെൺകുട്ടികൾക്ക് സ്വയംരക്ഷ പരിശീലനം

നന്മണ്ട: എക്സൈസ് ഡിപ്പാർട്ട്മെന്റിന്റെ ആഭിമുഖ്യത്തിൽ സ്കൂൾ വിദ്യാർഥിനികൾക്ക് നൽകുന്ന സെൽഫ് ഡിഫൻസ് ട്രെയിനിങ്ങിന്റെ ചേളന്നൂർ റേഞ്ച്തല ഉദ്ഘാടനം നന്മണ്ട ഹയർ സെക്കൻഡറി സ്കൂളിൽ അസിസ്റ്റന്റ് എക്സൈസ് ഇൻസ്പെക്ടർ കെ. അഭിലാഷ് നിർവഹിച്ചു. ഹെഡ്മാസ്റ്റർ കെ. അബൂബക്കർ സിദ്ദീഖ് അധ്യക്ഷത വഹിച്ചു. സ്റ്റാഫ് സെക്രട്ടറി ഇ. സുരേന്ദ്രൻ, സീനിയർ അസിസ്റ്റന്റ് മുഹമ്മദ് റഫീഖ്, പ്രിവന്റിവ് ഓഫിസർമാരായ അനിൽകുമാർ, ഷാഫി, ഷൈനി, മദർ പി.ടി.എ ചെയർപേഴ്സൻ സലീന റഹീം എന്നിവർ സംസാരിച്ചു. സ്കൂൾ വിമുക്തി ക്ലബ് കൺവീനർ കെ. ഷിബു ക്ലാസുകൾക്ക് നേതൃത്വം നൽകി. പടം :പെൺകുട്ടികൾക്കുള്ള സ്വയംരക്ഷ പരിശീലനം അസിസ്റ്റൻറ് എക്സൈസ് ഇൻസ്‍പെക്ടർ കെ. അഭിലാഷ് നിർവഹിക്കുന്നു