കഞ്ചാവ് കൈവശം വെച്ച കേസിൽ കഠിന തടവും പിഴയും

വടകര: ബൈക്കിൽ കടത്തുകയായിരുന്ന കഞ്ചാവുമായി പിടിയിലായ പ്രതികൾക്ക് കഠിന തടവും പിഴയും. പാലക്കാട് എടയൂർ വടക്കുംപുറം മാവണ്ടിയൂർ റോഡിൽ കൊടശ്ശേരി അബ്ദുൽ അമീർ (35), പാലക്കാട് ഒറ്റപ്പാലം കൊതകശേരി പള്ളിക്കോട്‌ മുച്ചിക്കൽ മുഹമ്മദ് സാദിഖ് (25) എന്നിവരെയാണ് വടകര എൻ.ഡി.പി.എസ് കോടതി ജഡ്ജി വി.പി. സുരേഷ്ബാബു ശിക്ഷിച്ചത്. ഒന്നാം പ്രതിയായ അബ്ദുൽ അമീറിന് രണ്ട് വർഷം കഠിന തടവും,15,000 രൂപ പിഴയും, രണ്ടാം പ്രതിയായ മുഹമ്മദ് സാദിഖിന് ഒരു വർഷം കഠിന തടവും 15,000 രൂപ പിഴയുമാണ് ശിക്ഷ. പിഴ അടച്ചില്ലെങ്കിൽ ഇരുവരും ഒരു മാസംകൂടി കഠിന തടവ് അനുഭവിക്കണം. 2016 ഏപ്രിൽ ആറിനാണ് കേസിനാസ്പദ സംഭവം. രണ്ട് കിലോ കഞ്ചാവുമായി വാഹന പരിശോധനക്കിടയിൽ തിരൂർ എസ്.എൻ.ഡി.പി യോഗം ഓഫിസിനു മുന്നിൽ വെച്ചാണ് പ്രതികൾ പിടിയിലായത്.