വെള്ളലശ്ശേരി-മൂലത്തോട് -നായർകുഴി-പുൽപറമ്പ് റോഡ് ഉദ്ഘാടനം

കൂളിമാട്: ജില്ല പഞ്ചായത്ത് വാർഷിക പദ്ധതിയിൽ 18 ലക്ഷം രൂപ ഉൾപ്പെടുത്തി പരിഷ്കരിച്ച വെള്ളലശ്ശേരി - മൂലത്തോട് -നായർകുഴി - പുൽപറമ്പ് റോഡ് ജില്ല പഞ്ചായത്ത് പ്രസിഡന്റ് ഷീജ ശശി ഉദ്ഘാടനം ചെയ്തു. നായർകുഴി ഗവ. ഹൈസ്കൂളിനും എം.വി.ആർ കാൻസർ സെന്ററിനും ഏറെ സൗകര്യപ്രദമായ ഈ റോഡ് പൂർത്തീകരിക്കാനാവശ്യമായ മുഴുവൻ ഫണ്ടും പ്രസിഡന്റ് ചടങ്ങിൽ പ്രഖ്യാപിച്ചു. ജില്ല പഞ്ചായത്ത് അംഗം നാസർ എസ്റ്റേറ്റ് മുക്ക് അധ്യക്ഷതവഹിച്ചു. ഗ്രാമ പഞ്ചായത്ത് പ്രസിഡന്റ് ഓളിക്കൽ ഗഫൂർ മുഖ്യാതിഥിയായി. ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർ പേഴ്സൻ എം.കെ. നദീറ, പഞ്ചായത്ത് മെംബർമാരായ ശിവദാസൻ ബംഗ്ലാവിൽ, വിശ്വൻ വെള്ളലശ്ശേരി, ടി. വേലായുധൻ, അഹമ്മദ്‌ കുട്ടി അരയങ്കോട്, എം. പ്രകാശൻ, ബാബു പാലതൊടിക എന്നിവർ സംസാരിച്ചു. പഞ്ചായത്ത് അംഗം റീന മാണ്ടിക്കാവിൽ സ്വാഗതവും അരവിന്ദൻ മച്ചിലേരി നന്ദിയും പറഞ്ഞു.