ഫ്ലഡ്‍ലിറ്റ് സെവൻസ് ഫുട്‌ബാൾ കൊടിയത്തൂരിൽ ഇന്ന് തുടക്കം

കൊടിയത്തൂർ: എം.എ. മുഹമ്മദ് സാഹിബ് സ്മാരക വിന്നേഴ്സ് പ്രൈസ് മണിക്കും, എൻ.കെ. അഹമ്മദ് മാസ്റ്റർ വിന്നേഴ്സ് ട്രോഫിക്കും ഗാലക്‌സി മാർബിൾസ് റണ്ണേഴ്‌സ് പ്രൈസ് മണിക്കും, എ.പി. അഷറഫ് സ്മാരക റണ്ണേഴ്‌സ് ട്രോഫിക്കും കൊടിയത്തൂർ ജനകീയ കൂട്ടായ്മയും യങ് സ്റ്റാർ കാരകുറ്റിയും സംയുക്തമായി സംഘടിപ്പിക്കുന്ന മൂന്നാമത് അഖില കേരള ഫ്ലഡ്‍ലിറ്റ് സെവൻസ് ഫുട്‌ബാൾ ടൂർണമെന്റ് ബുധനാഴ്ച രാത്രി എട്ടിന് കൊടിയത്തൂർ പഞ്ചായത്ത് ഇതിഹാസ് സ്റ്റേഡിയത്തിൽ നടക്കും. ഉദ്‌ഘാടന മത്സരത്തിൽ കെ.എം.ജി മാവൂർ ഫൈറ്റേഴ്‌സ് അമ്പലമുക്കിനെ നേരിടും. 16 ടീമുകൾ പങ്കെടുക്കുന്ന മത്സരം മാർച്ച് 17ന് അവസാനിക്കും.